Song Title       : Hikoli (শিকলি চিঙি তুমি)
Singers           : Zubeen Garg  (জুবিন গাৰ্গ ) & Mondakini Bora
Album/Movie  : Pakhi (পাখি)
Lyrics/Music    : Zubeen Garg  (জুবিন গাৰ্গ )

♪ ♫ Lyrics ♪ ♫

শিকলি চিঙি তুমি যাবা কেনেকৈ?
আজি মোক পাহৰি,,,,,,,

মৰমৰ এনাজৰী এনেকৈ আজোঁৰি
কেনি যোৱা আতৰি?

“মই তৰা আকাশৰ, মই পৰী সপোনৰ
নাহিবা কাষলে নুচুবা মোক৷

জোন-বেলি একাকাৰ মোৰ এই ৰূপতেই
সময়ো যে থমকি চাই মাথো মোৰ৷”

অভিমানী,,,,,,,,,,,,
“চুব খুঁজিলেই নিজে হেৰুৱাব,
চাব খুজিলেই এন্ধাৰ দেখিব,
সপোনহে মাথো নহওঁ দিঠক মই,
বুজি পোৱা যদি পোৱা৷

আলসোৱা মন নোৱাৰা বান্ধিব,
সজা ভাঙি থৈ উৰিব খুজিব,
সময় থাকোতেই দুচকু মোহাৰি,
সাৰ পোৱা যদি পোৱা৷”

অভিমানী প্ৰিয়া মোৰ,, নুশুনো নুবুজো মই
তোমাৰ তৰা চকু, আশা মোৰ তিৰেবিৰাই৷
শিকলি চিঙি তুমি যাব নোৱাৰা
আজি মোক পাহৰি,,,,,

অভিমানী,,,,,,,,,,,,,,
“এদিন দুদিনকৈ বছৰ বহু গ’ল,
এপল দুপলকৈ সময় গলি গ’ল,
তোমাৰ আশাতেই হৃদয় জলি ৰ’ল,
নুবুজিলা মোৰ বেথা৷

এতিয়া আহিছা আকৌ কাষলৈ,
পাহৰা সপোনক জীৱন দিবলৈ,
চকুত পোহৰ সিঁচি এন্ধাৰ হ’বলৈ,
ক’ত পালা অধিকাৰ কোৱা?”

অভিমানী প্ৰিয়া মোৰ,, একেদৰেই আছো মই
আহিব আকৌ ঘুৰি জোনাক নিবিৰ প্ৰণয়৷
শিকলি চিঙি তুমি যাবা কেনেকৈ?
আজি মোক পাহৰি,,,,,

মৰমৰ এনাজৰী এনেকৈ আজোঁৰি
কেনি যোৱা আতৰি?
“তুমি মোৰ আবেলি, হাইতাৰ হেঙুলী
কৰিলাহি ৰাঙলী, হিয়া মোৰ এধানি৷
সকলো পাহৰি, নতুনক আদৰি
খোজ দিওঁ আমি অতীতক গচকি৷”